Blog Cathal Moore – Corn Mhic Giobúin #GAA #TG4 #GAABEO

Cluiche Ceannais Corn Mhic Giobúin – Coláiste Mhuire Gan Smál v Coláiste na hOllscoile, Corcaigh – 2/3/2013

Cathal de Mórdha

An scéal is mó roimh an gcluiche seo ná go raibh cead faighte ag Conor Cooney imirt le Coláiste Mhuire gan Smál. Ba mhór an buntáiste dóibh freisin nuair a d’éirigh le Declan Hannon ina achomharc.

Le bheith fírinneach bhí caighdeán na himeartha íseal go maith go háirithe sa chéad leath. Bhreatnaigh na himreoirí tuirseach go maith tar éis na cluichí leathcheannais an lá roimhe.

D’imir Corcaigh níos fearr agus bhí an bua tuillte acu sa deireadh. Bhí na fir mhóra William Egan, Dara Fives agus Conor Lehane an-fheicéalach i rith an chluiche. Fuair siad tacaíocht iontach ó Paul Haughney, Brian O’Sullivan agus an ionadaí Adrian Breen. Thug an captaen Darren McCarthy sár-thaispeántas sa chúl freisin.

Beidh Coláiste Mhuire Gan Smál díomách ach ba léir ón tús nach raibh an fuinneamh acu mar gheall ar an iarracht a chuir siad isteach i gcoinne WIT an lá roimhe. Ní fhaca John Conlon morán den imirt agus chríochnaigh sé gan scór ón imirt. D’fhág siad beirt sa líne lán tosaigh ach níor éirigh leo leis an bplean sin. Níl aon amhras ach go raibh seansanna acu ach tháinig na cúil ró-dhéanach. Is féidir leo imirt níos fearr agus beidh lá eile acu. Ba mhór an eacht an cluiche ceannais a shroichint. D’aimsigh Conor Lehane 1-9 agus b’é an difríocht idir na foirne ag deireadh an lae.

Cathal de Mórdha, blog GAA Beo

Read Full Post »

Blog Pat Fleury – Cluiche Ceannais Corn Mhic Giobúin 2012. #GAA #TG4 #GAABEO

Tréaslaím le Cumann Iománaíochta Coláiste na hOllscoile, Corcaigh, as an réamh-obair go léir a rinne siad chun gach rud a bheith in ord is in eagar acu don deireadh seachtaine. Suíomh álainn, slua mór agus dhá cholaiste ó Chorcaigh a bheith páirteach sa chluiche Ceannais. Ní féidir linn aon lucht a chur orthú mar gheall ar an aimsir!!!!!

Bhaineas ard-taitneamh as Cluiche Cheannais Chorn Mhic Giobúin Dé Sathairn seo chaite. Coimhlint den scoth a bhí ann, agus iomarcach go deo. Ní raibh ach buille den sliotar idir na fóirne an chuid is mó den chluiche. Bhí an slua, breis is dhá mhíle go leith daoine, gafa le cúrsaí ar an bpáirc ó thús deiridh.

Chríochnaigh U.C.C. go láidir sa ghnátham le dhá chúl ó na fir ionaid,agus cheapamar go raibh an bó curtha thar abhainn acu ach d’aimsigh C.I.T. cúl chun iad a chur ar chomhscór.  Cad é mar thús a chuir U.C.C. leis an am breise!

Ceithre chúilín chun tosaigh….deich nóiméad fágtha…ach arís thaispeáin C.I.T. an spiorad a sheol chomh fada seo iad i mbliana agus bhí siad ar chomhscór arís agus an réiteoir réidh chun an fheadóg deireanach a sheinnt…ansin, nuair a bhí gach duine ag tnúth le hathimirt, bhí casadh eile sa dráma…seans amháin eile ag U.C.C. agus beidh cuimhne go deo ar an gcúilín álainn a d’aimsigh Séamas Corry chun an bua a ghnóthú do U.C.C.

Bhí trua thar cuimse againn go léir do imreoirí C.I.T. Cad é mar iarracht uathu!!!

Focal scoir:  Chuir an cluiche iontach seo go mór le draíocht agus le clú agus cáil an chomórtais stairiúil seo.

Pat Fleury, blog GAA BEO

Read Full Post »